“G-7”nin bəyanatında Gürcüstan hökumətinə hərtərəfli dəstək veriləcəyi ilə bağlı da fikir öz əksini tapıb.
Dünyanın aparıcı yeddi dövlətinin xarici işlər nazirləri Rusiyanın Cənubi Osetiya və Abxaziyanın müstəqilliyini tanımaq qərarını kəskin səviyyədə pisləyiblər. Belə ki, Fransa, Almaniya, İtaliya, Yaponiya, Böyük Britaniya, Kanada və ABŞ-ın xarici siyasət idarələrinin rəhbərləri bu addımı Rusiyanın Qafqazda sülh və təhlükəsizlik niyyətini şübhə altına qoyduğunu bildiriblər. Moskvanı Gürcüstanla imzalanmış atəşkəs haqqında sazişə əməl etməyə çağıran “G-7” xarici işlər nazirləri təmsil etdikləri ölkələrin Gürcüstanın ərazi bütövlüyünü və beynəlxalq birlik tərəfindən tanınmış sərhədlərinin toxunulmazlığını qəbul etdiyini bir daha bəyan ediblər. “G-7”nin bəyanatında həmçinin demokratik yolla seçilmiş Gürcüstan hökumətinə hərtərəfli dəstək veriləcəyi ilə bağlı da fikir öz əksini tapıb.
Hiç yorum yok:
Yorum Gönder