«Media forum»un məlumatına görə, 15 yaşındaykən təsadüfi bir davada istəmədən Mehrdad adlı dostunun qətlinə səbəb olan 20 yaşlı Behnam Zare bu gün səhər dar ağacından asılıb. B.Zare edama qədər 5 il həbsdə saxlanıb. Müttəhimin vəkili və ailə üzvlərinə edamda iştirak icazəsi verilməyib.
B.Zarenin və edama məhkum edilən digər 25 yeniyetmənin vəkili Məhəmməd Mustafayi müttəhimin bağışlanmısı məqsədi ilə nə qədər çalışsa da, öldürülən şəxsin atası ilə görüşə bilmədiyini bildirib: «Ötən ilin yayından müttəhimin bağışlanması üçün öldürülən şəxsin valideynlərindən razılıq almağa çalışırdıq. Lakin öldürülən şəxsin atası Dubayda yaşadığı üçün buna nail ola bilmədik».
Bir həftə əvvəl də Rza Hecazi adlı başqa bir yeniyetmə edam edilib. B. Zarenin edamı Avropa Birliyinin R.Hecazinin edamını məhkum edən bəyanatının yayılmasından bir gün sonraya təsadüf edib.
Hiç yorum yok:
Yorum Gönder