Türkiyə prezidentinin Ermənistana səfəri zamanı ona qarşı qeyri-sivil münasibət Erənistana və onun prezidentinə qarşı yönəlmiş olacaq. Bu barədə Ermənistan prezidenti Serj Sarkisyan Türkiyənin “Radikal” qəzetinə müsahibəsində Abdulla Gülün səfərinə qarşı daşnakların mümkün etirazlarını şərh edərkən bildirib.
“Düşünürəm ki, mümkün etiraz tədbirləri bu qədər yüksək səviyyəli rəsmi səfərlər zamanı qəbul edilən münasibət çərçivəsindən kənara çıxmaz. Türkiyə prezidentinə qarşı qeyri-sivil münasibət göstərən bunu Ermənistana və Ermənistan prezidenti kimi şəxsən mənə qarşı edəcək, belə ki, Türkiyə prezidentini mən dəvət etmişəm”, deyə Ermənistan prezidenti bildirib.
Ərazi iddiaları diplomatik münasibətlər üçün aşılmaz maneə deyil, Sarkisyan belə hesab edir. 1921-ci il Qars müqaviləsinə münasibəti və Türkiyənin mümkün ərazi iddiaları haqqında suala Ermənistan prezidenti belə cavab verib: “Xatırlamıram ki, Ermənistanın vəzifəli şəxsləri ərazi iddiaları ilə bağlı rəsmi bəyanatlar etsinlər, amma bunu xarici mənbələrdən eşidirəm. Düşünmürəm ki, ayrı-ayrı fikirlərə əsaslanmaq doğrudur. Axı Türkiyədə də Ermənistanın dünyada ölkə kimi mövcud olmadığını iddia edənlər var”.
Qarabağ münaqişəsinin mümkün həlli müddəti ilə bağlı suala cavabda Sarkisyan bildirib ki, bu, yalnız Azərbaycanda prezident seçkilərindən sonra məlum olacaq. Eyni zamanda, o bildirib ki, Osetiyadakı hadisələr göstərib ki, münaqişənin hərbi yolla həlli “təhlükəli və gözlənilməz nəticələr verir”.versiya
Hiç yorum yok:
Yorum Gönder