Azərbaycanın İrandakı keçmiş səfiri Əlyar Səfərli də prezidentliyə namizədliyini irəli sürüb

Azərbaycanın İrandakı keçmiş səfiri Əlyar Səfərli də prezidentliyə namizədliyini irəli sürüb




Oktyabrın 15-də keçiriləcək prezident seçkilərinə namizədliyini irəli sürənlərin sayı 20 nəfərə çatıb. Mərkəzi Seçki Komissiyasının (MSK) mətbuat xidmətindən APA-ya daxil olan məlumata görə, namizədliyinin təsdiq olunması üçün Milli Elmlər Akademiyasının Ədəbiyyat İnstitutunun baş elmi işçisi, Azərbaycanın İrandakı keçmiş səfiri Əlyar Səfərli və işsiz Allahverdiyev Tofiq Mübariz oğlu da quruma müraciət edib.

Qeyd edək ki, bu vaxta kimi namizədliyini irəli sürənlərin 18-nin namizədliyi təsdiq olunub və onlara imza vərəqələri verilib. Onlardan isə yalnız üçü imzatoplama kampaniyasını yekunlaşdırıb. Hələlik yalnız bir nəfərin - YAP-ın namizədi İlham Əliyevin namizədliyi qeydə alınıb.

LENT.AZ