Silahlı qüvvələrlə döyüş zamanı azı 15 terrorçu öldürülüb
Türkiyədə PKK terrorçuları uzun müddətdən sonra ilk dəfə böyük dəstə halında kəndə hücum etməyə cəhd göstəriblər. Bitlis vilayətinin İkizlər kəndinə basqın etməyə çalışan terrorçuların qarşısını Türkiyə Silahlı Qüvvələri kəsib. Bu zaman şiddətli döyüş baş verib və azı 15 PKK-çı məhv edilib. Yerli mətbuatın xəbərlərinə görə, 20 nəfərdən ibarət PKK-çı qrup səhər saatlarında kəndə basqın edib.
Onların qarşısını ilk olaraq kənd qoruyucuları kəsib. İlk döyüşlər zamanı 7 terrorçu öldürülüb, kənd qoruyucularından isə 5 nəfəri həlak olub. Daha sonra köməyə gələn əsgərlər qaçan terrorçuları təqib edərək daha 8 PKK-çını öldürüblər. 1 terrorçu isə sağ ələ keçib. Qaçan terrorçulardan çoxlu miqdarda silah-sursat aşkar edilib, məlum olub ki, öldürülənlərdən ikisi əvvəllər bir sıra terror aksiyalarında iştirak ediblər.
Siyasət şöbəsi
MUSAVAT
Hiç yorum yok:
Yorum Gönder