Kitab geniş oxucu kütləsinin marağına səbəb olub
Türkoloq alim Yunus Oğuzun yazdığı "Türkün tarxinə yeni bir baxış" kitabı Türkiyədə çap edilib. "İləri" nəşriyyatı tərəfindən 7500 nüsxə ilə çapdan çıxan kitab Türkiyə türkcəsində geniş oxucu kütləsinə təqdim edilib. Xatırladaq ki, "Türkün tarixinə yeni bir baxış" kitabı Azərbaycanda iki dəfə çap edilib. 2007-ci ildə ilk dəfə çapdan çıxan kitaba əməkdar elm xadimi, tarix elmləri doktoru, professor Yaqub Mahmudov, professor Firudin Ağasıoğlu və xalq şairi, millət vəkili Sabir Rüstəmxanlı ön söz yazıblar. Kitabda müəllif apardığı dərin tədqiqatlar əsasında türkün tarixinə yeni baxışı ortaya qoyub. Tarixçi və tədqiqatçıların bu vaxta qədər əhəmiyyət vermədiyi məqamlar təhlil edilərək, həmin faktların türkçülüyün tarixi üçün vacib olduğu oxuculara çatdırılıb. Geniş oxucu kütləsinin marağına səbəb olan kitab 2008-ci ildə təkrar çap edilib. Bu dəfə Azərbaycan Respublikası Təhsil Nazirliyinin 31 mart 2008-ci il tarixli 391 saylı əmri ilə dərs vəsaiti kimi tələbələr və şagirdlər üçün nəzərdə tutulub. ("OLAYLAR"İA)
Hiç yorum yok:
Yorum Gönder