QayNar: İran Britaniya səfirini Xarici İşlər Nazirliyinə dəvət edib. Buna səbəb, Britaniyada, 1980-ci ildə Londondakı İran səfirliyinə basqın etmiş şəxslərdən sonuncusunu azad etmək haqqında məlumatların yayılmasıdır, "Qaynar.info" BBC-yə istinadən xəbər verir.
İranın xarici işlər nazirinin müavini Mehdi Səfəri sədfir Cefri Adamza deyib ki, həmin şəxsin azad edilməsi qərarına heç cür bəraət qazandırmaq olmaz.
1980-ci ildə altı silahlı Londondakı İran səfirliyini zəbt edərək, İrandakı siyasi məhbusların azad edilməsini tələb etmişdilər.
Onlar 21 adamı girov tutaraq, onlardan ikisini öldürmüşdülər.
May ayında İran, Xalq Mücahidləri Təşkilatının qadağan edilmiş terror təşkilatları siyahısından çıxarılması haqda Britaniya məhkəməsinin qərarını pisləmişdi. // T.İsmayılov, QayNar
Hiç yorum yok:
Yorum Gönder