Neftin qiyməti sürətlə enir

Neftin qiyməti sürətlə enir


Bir gün ərzində Rusiyada kapitallaşma 100 milyard dollardan da çox aşağı düşüb

Dünya fond bazarında qiymətlərin yenidən kəskin aşağı düşməsi müşahidə olunur. Nyu-York fond birjasında Dou Cons indeksi son dörd ildə ən aşağı həddə düşüb.
Avropa və Yaponiya birjalarında da son 4 ilin ən aşağı göstəriciləri qeydə alınıb. Rusiyanın fond bazarında isə tarixi boyu ən kəskin enmə müşahidə olunub. Bir gün ərzində bu bazarda kapitallaşma 100 milyard dollardan da çox aşağı düşüb.
Mütəxəssislər vəziyyəti şərh edərkən deyirlər ki, investorlarda şübhə var ki, Amerika hökumətinin planı ölkənin maliyyə böhranının qabağını almayacaq. Mütəxəssislərə görə, birjalardakı vəziyyət də bununla bağlıdır.
Bu arada Avropa Birliyi ölkələrinin nümayəndələri vəd veriblər ki, maliyyə stabilliyini təmin etmək üçün əllərindən gələni edəcəklər.

Xəbər XİDMƏTİ
bizimyol