Rusiya mənbələrinin məlumatına görə, “Mason” esminetsi hava hədəflərini məhv etmək üçün nəzərdə tutulub
Amerika yenidən Gürcüstan sahillərinə hərbi gəmi göndərir. “Exo Moskvı” radiostansiyasının məlumatına görə, Rusiya kəşfiyyatındakı mənbələrdən bildiriblər ki, “Mason” esminetsi bir nüçə gün əvvəl Qara dəniz sularına daxil olub.
Gəminin bu günlərdə Gürcüstan limanlarından birinə yan alacağı gözlənilir. “Mason” təyyarə daşıyan gəmisi Amerikanın raketdən müdafiə sisteminin komponentlərindən biri sayılır və onun göyərtəsində hava hədəflərini aşkar edib məhv etmək üçün sistem quraşdırılıb. Pentaqon isə gəminin Gürcüstan sahillərinə hansı məqsədlə göndərildiyi barədə açıqlama verməyib. Xatırladaq ki, Rusiyanın hərbi müdaxiləsindən sonra ABŞ hərbi gəmilərlə Gürcüstana humanitar yardım göndərib, bu addım Rusiyanın narazılığına səbəb olub. Bir neçə həftə əvvvəl Pentaqon Gürcüstanda humanitar əməliyyatların başa çatdığını elan etmişdi.
Siyasət şöbəsi
musavat
Hiç yorum yok:
Yorum Gönder