İran uranın zənginləşdirilməsi prosesinin dayandırılacağını istisna etmir
İranın MAQATE-dəki nümayəndəsi Əli Aşqar Soltani uranın zənginləşdirilməsi prosesini dayandırmağa hazır olduqlarını bəyan edib. Lent.az-ın “The Guardian” qəzetinə istinadən verdiyi məlumata görə, İran nümayəndəsi bunun əvəzində ölkəyə nüvə yanacağı gətiriləcəyinə təminat tələb edib.
Əli Aşqar Soltani bildirib ki, İran atom elektrik stansiyalarının fəaliyyət göstərməsi üçün tələb olunan nüvə yanacağının gətirilməsini təmin edəcək dəqiq beynəlxalq razılaşmalar imzalanana qədər uranın zənginləşdirilməsi prosesi dayandırılmayacaq. O, nüvə yanacağının verilməsinin dayandırıldığı təqdirdə uranın zənginləşdirilməsi prosesini bərpa etmək hüququnu özlərində saxladıqlarını vurğulayıb.
İran nümayəndəsi belə bir sensasion bəyanatla beynəlxalq ekspertlərlə Brüsseldə keçirilən görüşdən sonra mətbuat konfransında çıxış edib. Görüşü Avropa Birliyinin siyasi araşdırmalar Mərkəzi təşkil edib.
LENT.AZ
Hiç yorum yok:
Yorum Gönder