Ermənistanın keçmiş xarici işlər naziri Ankaranı Bakını dəstəkləməkdə ittiham etdi
Türkiyə Dağlıq Qarabağ probleminin həlli zamanı vasitəçi qismində çıxış etməməlidir. Lent.az-ın “panorama.am” saytına istinadən verdiyi məlumata görə, belə bir bəyanatla Ermənistanın keçmiş xarici işlər naziri Vardin Oskanyan çıxış edib.
Oskanyanın iddiasına görə, Türkiyənin tutduğu mövqe onun vasitəçi kimi çıxış etməsinə imkan vermir: “Türkiyənin bu danışıqlarda yeri yoxdur. Çünki o, sərhədləri açmayıb və mövqeyini dəyişməyib. Əksinə, Türkiyə Azərbaycanın maraqlarını müdafiə edir”.
Keçmiş xarici işlər nazirinin fikrincə, Ermənistan Türkiyənin Dağlıq Qarabağ probleminin həlli məsələsində vasitəçi kimi çıxış etməməsi üçün əlindən gələni etməlidir: “Türkiyə bütün dünyada problemin həllinə yardımçı olduğu görüntüsü yaradacaq. Amma onun bu rolda çıxış etməyə hüququ yoxdur. Əgər yaxın gələcəkdə Türkiyə-Ermənistan sərhədi açılmasa Türkiyənin əlinə düşən imkandan çox məharətlə istifadə etdiyini söyləmək lazım gələcək. Əgər sərhəd bir neçə ay sonra açılsa, Sarkisyan “Gülün dəvət edilməsi doğru qərar idi” deyə biləcək”.
LENT.AZ
Hiç yorum yok:
Yorum Gönder