Əli Kürdan nazir olmaq üçün saxta diplom təqdim edib
İran daxili işlər naziri Əli Kürdan prezident Mahmud Əhmədinejada məktub yazaraq ictimaiyyətə Oksford universitetinin saxta diplomunu təqdim etdiyini etiraf edib. Lent.az-ın “The Los Angeles Times” qəzetinə istinadən verdiyi məlumata görə, o, bu addımla nazir postu uğrunda mübarizədə şansını yüksəltmək istədiyini bildirib.
Kürdanın iddiasina görə, onu diplomu aldığı vasitəçi aldadıb. Guya ki, o, 8 il əvvəl hüquq doktoru adı almaq üçün sənədlərini Tehrandakı agentliklərdən birinə təqdim edib. Həmin agentlik isə özünü Oksford universitetinin nümayəndəsi kimi təqdim edirmiş. Daxili işlər naziri bildirib ki, aldığı diplomun həqiqiliyinə heç bir zaman şübhə etməyib. Kürdan ona saxta diplom verən şəxs barədə cinayət işi qaldırılmasına çalışacağını da vurğulayıb.
Buna baxmayaraq saxta diplomla bağlı qalmaqalın daxili işlər nazirinin karyerasına son qoyacağı istisna edilmir. Onun rəqibləri bildirirlər ki, müxtəlif cinayətlər və hüquq pozuntuları ilə mübarizə aparmalı olan şəxs özü saxtakarlığa yol verib.
LENT.AZ
Hiç yorum yok:
Yorum Gönder