Sabah Türkiyə Baş nazirinin Orta Asiyaya səfəri başlayır

Sabah Türkiyə Baş nazirinin Orta Asiyaya səfəri başlayır


Türkiyə Baş naziri Rəcəb Tayyib Ərdoğanın sabah Türkmənistan və Monqolustana səfəri başlayır. Bu barədə Türkiyənin “Timetürk” informasiya agentliyi məlumat verib.

Ərdoğan Türkmənistan prezidenti Qurbanqulu Berdiməhəmmədovun dəvətilə oktyabrın 3-də və 4-də Türkmənistanda, Monqolustanın Baş naziri Sanjaa Bayarın dəvətilə oktyabrın 5-də və 6-da Monqolustanda səfərdə olacaq. Hər iki səfərdə ikitərəfli əlaqələrin genişləndirilməsilə bağlı məsələlər müzakirə ediləcək.
------------------------------------------------------------------------
Ermənistan əhalisinin əksəriyyəti Türkiyəni düşmən ölkə kimi görür


Ermənistanda aparılan ictimai sorğunun nəticələrinə görə, əhalinin 64 % - i Türkiyəni düşmən ölkə kimi görür. Bu barədə Türkiyənin “Timetürk” informasiya agentliyi məlumat verib.

Sorğuda iştirak edənlərin 76 % - i Türkiyə ilə münasibətlərin normallaşmasının ancaq Ermənistanın tələblərinin yerinə yetirilməsindən sonra mümkünlüyünü bildirib. Iştirakçıların 33 % - i Türkiyə ilə münasibətlərin düzəlməsini mümkün hesab etmədiyini,. 43 % -i isə, buna şübhə ilə yanaşdığını bildirib. Ermənilərin ancaq 24 % - i Türkiyə ilə əlaqələrin düzəlməsini mümkün hesab edir. Sorğu Ermənistan Milli və Strateji Araşdırmalar Mərkəzi tərəfindən aparılıb.