Tiflis. Nizami Məmmədzadə - APA. “Gürcüstan gələcəkdə Şimali Atlantika alyansında olmalıdır”. APA-nın Gürcüstan bürosunun xəbərinə görə, bunu Tiflisdə mətbuat konfransı keçirən NATO Parlament Assambleyasının nümayəndəsi Denis Makşeyn deyib. Gürcüstanda keçirilən NATO təlimlərinə Ermənistanın qatılmamasına münasibət bildirən D. Makşeyn bəyan edib ki, bu, Ermənistanın öz işidir. Onun sözlərinə görə, hazırda Gürcüstan üçün ən vacib məsələ Ermənistanın bu təlimlərdə iştirak etməməsinin səbəblərini araşdırmaq yox, NATO ilə yaxınlaşmaqdır: “Biz Rusiyanı da bu təlimlərdə iştiraka dəvət etmişdik. Ümumiyyətlə, yaxşı olardı ki, Rusiya Gürcüstanın zəbt edilmiş torpaqlarından geri çəkilsin”.
Qeyd edək ki, NATO nümayəndələri müxalifət təmsilçiləri ilə də görüşüblər.
Kaydol:
Kayıt Yorumları (Atom)
Hiç yorum yok:
Yorum Gönder