Abdulla Gül Azərbaycan və Ermənistan prezidentləri ilə təkbətək görüşəcək

Praqada Türkiyə, Azərbaycan və Ermənistan prezidentlərinin üçtərəfli görüşü nəzərdə tutulmur.

APA-nın Praqaya ezam olunmuş xüsusi müxbirinin verdiyi məlumata görə, Türkiyə prezidenti Abdullah Gül Azərbaycan və Ermənistandan olan həmkarları ilə təkbətək görüş keçirəcək.

Bu gün Bakı vaxtı ilə saat 17-də Praqaya gəlməsi gözlənilən Abdullah Gül Avropa İttifaqının “Şərq Tərəfdaşlığı” sammiti çərçivəsində ilk olaraq Azərbaycan prezidenti İlham Əliyevlə görüşəcək. Daha sonra isə axşam saatlarında sammitə qatılan dövlət başçılarının şərəfinə veriləcək ziyafətdən sonra Abdullah Gülün Ermənistan prezidenti Serj Sərkisyanla görüşü nəzərdə tutulur. Hər iki görüşdə Türkiyə-Ermənistan münasibətləri və Dağlıq Qarabağ münaqişəsinin nizamlanması məsələləri diqqət mərkəzində olacaq.

LENT.AZ



Xəbərin oxunma sayı: 134