Alim Qasımov Beynəlxalq İstanbul Caz Festivalında iştirak edəcək

Tanınmış muğam ustası Alim Qasımov 16-cı Beynəlxalq İstanbul Caz Festivalında iştirak edəcək.

Lent.az-ın Türkiyə mətbuatına istinadən məlumatına görə, festival İstanbul Mədəniyyət Sənət Vəqfi tərəfindən düzənlənəcək. 2-15 iyulda keçiriləcək tədbirin ən böyük sürprizi “SMV. Grup”un çıxışı olacaq. Qrup 8 iyulda Cemil Topuzlu Açıkhava Səhnəsində yazın ən diqqət çəkəcək konsertlərindən birinə imza atacaq. “Ustalarla Görüşlər” adlı festival günlüyündə isə üç mötəşəm ad bir araya gələcək. Azərbaycanın dünyaca ünlü səsi Alim Qasimov, Türkiyədən Erkan Oğur və kamança ustadı Dərya Türkan 10 iyulda tamaşaçı qarşısına çıxıcıq.

Qeyd edək ki, konsertlərə “Cəmil Topuzlu”, “The Marmara Esma Sultan”, “Aya İrini” Muzeyi, “Camal Rəşid” Konsert Salonu, “İstanbul Modern” və “Nardis Jazz Club” ev sahibliyi edəcək.

Lalə Yusifqızı

LENT.AZ