SORĞUDA İLK ÜÇLÜYÜ ƏBÜLFƏZ ELÇİBƏY, ETİBAR MƏMMƏDOV və NAMƏLUM ŞƏXS BÖLÜŞÜR

SORĞUDA İLK ÜÇLÜYÜ ƏBÜLFƏZ ELÇİBƏY, ETİBAR MƏMMƏDOV və NAMƏLUM ŞƏXS BÖLÜŞÜR
2008-10-31 - 15:30:00


«Media forum» saytı 17 noyabr Milli Dirçəliş Günü, meydan hərəkatının 20 illiyi münasibətiylə başlatdığı internet sorğusunu davam etdirir. Sorğuda oxuculara belə bir sual ünvanlanıb: «1988-92-ci illər xalq hərəkatında kimin daha çox xidmət göstərdiyini düşünürsünüz?»

Oktyabrın 28-dən başlayan sorğuya 1988-92-ci illərdə xalq hərəkatının ön sıralarında dayanmış bəzi şəxslərin (Meydan hərəkatı natiqlərinin, tələbə hərəkatı fəallarının, AXC qurucularının, Demokratik Blok deputat fraksiyası üzvlərinin) adları daxil edilib. Siyahı soyadlar üzrə əlifba sırası ilə tərtib olunub.

«Media forum» saytı oxuculara adı bu siyahıya düşməmiş, xalq hərəkatında xidmətləri olan başqa öncül simalara səs verə bilmək imkanı da yaradıb. Xalq hərakatında kiminsə xidmətini təqdim olunan siyahıda yer almış şəxslərin xidmətindən üstün sayan oxucular «Adı bu siyahıda olmayan şəxs»ə səs verə bilərlər.

Oktyabrın 31-u saat 15.10-a olan nəticələrə görə, sorğuda 351 dəfə səs verilib.

Əbülfəz ELÇİBƏY - 170 səs

Etibar MƏMMƏDOV - 37 səs

«Adı bu siyahıda olmayan şəxs» - 33 səs

İsa QƏMBƏR - 25 səs

Xəlil Rza ULUTÜRK - 19 səs

Əli KƏRİMLİ - 16 səs

Sabir RÜSTƏMXANLI - 12 səs

Zərdüşt ƏLİZADƏ - 10 səs

Nəcəf NƏCƏFOV - 8 səs

Tamerlan QARAYEV - 7 səs

Tofiq QASIMOV - 5 səs

İsgəndər HƏMİDOV - 4 səs

Nemət PƏNAHLI - 3 səs

Yusif SƏMƏDOĞLU - 2 səs

Sorğu saytın sol küncündə (rubrika adlarından aşağıda) yerləşdirilib. Hər bir oxucu səsvermədən qabaq və sonra nəticələri izləyə bilər.




«Media forum»