Rəsmi Tehran Qafqazdakı münaqişələrin həlli ilə bağlı təşəbbüs irəli sürəjəkdir

Rəsmi Tehran Qafqazdakı münaqişələrin həlli ilə bağlı təşəbbüs irəli sürəjəkdir
31-10-2008 12:21:09
Rəsmi Tehran yaxın zamanlarda Qafqazdakı münaqişələrin həlli ilə bağlı təşəbbüs irəli sürmək niyyətindədir. Bu barədə bu gün İran İslam Respublikasının xarici işlər nazirinin birinci müavini Hüseyn Şeyxülislam ənənəvi «Mərkəzi Asiya və Qafqaz» beynəlxalq konfransı çərçivəsində jurnalistlərin suallarına cavab verərkən bildirdi. Nazir müavininin sözlərinə görə, bu plan artıq hazırdır. «Bu plana region dövlətləri tərəfindən edilən dəyişikliklər əlavə olunandan sonra yaxın zamanlarda səsləndiriləcəkdir. Yekun razılıqlardan sonra öz təşəbbüsümüzü Rusiya, Azərbaycan, Ermənistan və Gürcüstana təqim edəcəyik»- deyə H. Şeyxülislam diqqətə çatdırdı.
Xatırladaq ki, sentyabrın 24-də Nyu-Yorkda Türkiyə və İran xarici işlər nazirləri Əli Babacan və Manuçöhr Mottaki Qarabağ məsələsi ilə bağlı müzakirələr aparmışdılar. Tərəflər Qafqazdakı vəziyyəti hərtərəfli müzakirə etmişdilər. Mottaki Türkiyə prezidentinin Ermənistana səfərinin nəticələri ilə maraqlanmışdı. Hər iki tərəf Qafqazdakı vəziyyətin həlli ilə bağlı danışıqları davam etdirmək barədə razılığa gəlmişdi. (AssA-İradə)*

Viewed 1 times