Noyabrda İran və Azərbaycan qaz alqı-satqısına dair məsələləri müzakirə edəcəkdir

Noyabrda İran və Azərbaycan qaz alqı-satqısına dair məsələləri müzakirə edəcəkdir
30-10-2008 12:17:37

Noyabrın 3-də Tehranda İran və Azərbaycan nümayəndə heyətləri iki ölkə arasında qaz alqı-satqısına dair məsələləri müzakirə edəcəkdir. Qonşu ölkənin kütləvi informasiya vasitələrinin yaydığı məlumata görə, tərəflər arasında müzakirələrin əsas mövzusu İranın Azərbaycandan təbii qaz idxalının perspektivlərilə bağlı olacaqdır. Həmçinin, mavi yanacağın İran ərazisi ilə tranziti də müzakirə ediləcəkdir.
Qeyd edək ki, indi İran blokadada olan Naxçıvana sutkada 1 milyon kubmetr qaz ötürür. Bu həcmi isə Azərbaycan mövcud kəmərlər vasitəsilə Astaradan İrana qaytarır.
İran tərəfi Xəzərin Azərbaycan sektorundakı «Şahdəniz» yatağından hasil edilən qazı almağa da maraq göstərir. Tərəflər arasında bu məsələnin də müzakirəsi nəzərdə tutulur. (AssA-İradə)*



Viewed 1 times