İran İnqilab Keşikçiləri Korpusuna («Sepah») bağlı «Bəsic» (hökumət tərəfdarı olan könüllülər dəstəsi) komandanının canişini Hüseyn Həmədani İranın bölgənin bir sıra qurtuluş təşkilatlarına silah verdiyini, onlara hərbi yardım göstərdiyini bildirib.
Hüseyn Həmədani
«Media forum» saytının məlumatına görə, Həmədandakı çıxışında canişin İran Silahlı Qüvvələrinin ölkə istehsallı hərbi sursatla təchiz edildiyini vurğulayıb: «İran-İraq müharibəsindən sonra biz hərbi sursatın istehsalı ilə bağlı daxili imkanlarımıza güvəndik. Bu gün bizim silahlı qüvvələr nəinki öz gücünə güvənir, hətta bölgədəki qurtuluş təşkilatları da öz silahlarının bir hissəsini bizdən alır».
Canişin İranın konkret hansı təşkilatlara silah verdiyini açıqlamayıb.
ABŞ, İsrail və bir sıra başqa ölkələr İranı terrorçu təşkilat saydıqları Livan «Hizbullah»ı, «Həmas» və «İslami cihad» təşkilatlarına silah və hərbi yardım verməkdə günahlandırsalar da, İran bu ittihamları rədd edir.
«Media forum»
Hiç yorum yok:
Yorum Gönder