Beynəlxalq Atom Enerjisi Agentliyinin baş direktoru Məhəmməd əl-Baradeyi İranı agentliyin aparmaq istədiyi araşdırmaya maneə törətməkdə günahlandırıb.
Əl-Baradeyi
«Media forum» saytının məlumatına görə, oktyabrın 27-də BMT Baş Assambleyasında çıxış edən Baradeyi İranın nüvə proqramının dinc xarakter daşıyıb-daşımadığı barədə hələ də konkret nəticəyə gələ bilmədiyini və İranın bu sahədə agentliklə kifayət qədər əməkdaşlıq etməməsindən təəssüfləndiyini vurğulayıb.
Tehran Beynəlxalq Atom Enerjisi Agentliyi müfəttişlərinin İranın nüvə təsisatı haqda əldə edəcəyi informasiyaların ABŞ və ya İsrailə ötürüləcəyindən ehtiyatlanır.
BMT Təhlükəsizlik Şurası uranı zənginləşdirməyi davam etdirdiyinə görə bu günə qədər İrana qarşı sanksiyaları nəzərdə tutan 5 qətnamə qəbul edib. İran bu qətnamələri rədd edir və öz nüvə fəaliyyətinin dinc xarakter daşıdığını bildirir.
«Media forum»
Hiç yorum yok:
Yorum Gönder