MAHMUD ƏHMƏDİNEJAD QLOBAL İQTİSADİ BÖHRANI BƏŞƏRİYYƏTİN XİLASI SAYDIĞINI DEYİB

MAHMUD ƏHMƏDİNEJAD QLOBAL İQTİSADİ BÖHRANI BƏŞƏRİYYƏTİN XİLASI SAYDIĞINI DEYİB
2008-10-31 - 17:00:00


Oktyabrın 30-da hökumət iclasında çıxış edən İran prezidenti Mahmud Əhmədinejad Qərbdəki iqtisadi böhrana toxunaraq bəşəriyyətin qlobal iqtisadiyyatın məhvinə görə şənlik etməli olduğunu deyib.


Mahmud
Əhmədinejad



«Media forum» saytının məlumatına görə, Əhmədinejad deyib: «Bu gün Qərb dünyası özünün haramçılığı, qarətçiliyi və eqoizminin əsiri olub, mədəni və iqtisadi sahədə son nöqtəyə gəlib çatıb. Əlbəttə, biz dünya xalqlarının bu iqtisadi böhranda əzab-əziyyətə düşməsinə sevinmirik. Allaha zidd sistem və təfəkkürün sona çatmasına sevinirik və bunu xalqların qurtuluşu üçün bir fürsət sayırıq».

Prezidentin fikrincə, bütün bəşəriyyət üzdəniraq qlobal iqtisadiyyatın və liberal təfəkkürün sona çatmasından və məhvə uğramasından sevinc hissi duymalı və şənlik etməlidir: «Bundan sonra yeni bir yol axtarmaq lazımdır. Elə bir yol ki, qarətçilik və ayrı-seçkilikdən uzaq sağlam bir iqtisadiyyatın dirçəlişinə şərait yaratsın».

İran prezidenti liberalizm və qlobal itisadiyyatın artıq öldüyünü bildirib: «Bütün zülmkar qüdrətlərin başçıları və onların ardınca gedənlər liberalizm təfəkkürünün və qlobal iqtisadiyyatın çıxılmaz vəziyyətə düşməsindən əl-ayağa düşüb onu qurtarmağa çarə axtarırlar. Onlar səhv edirlər. Bu artıq cansız bir meyitdir və bu ölünü ona süni nəfəs verməklə qurtarmaq mümkünsüzdür».


«Media forum»