Naxçıvan Muxtar Respublikası Ali Məclisinin sədri Vasif Talıbovun başçılığı ilə İran İslam Respublikasında səfərdə olan Azərbaycan nümayəndə heyəti iyulun 15-də İran prezidenti Mahmud Əhmədinejadla görüşüb.
M.Əhmədinejad İran-Azərbaycan münasibətlərinin inkişafından bəhs edib, iki ölkə xalqlarını birləşdirən tarixi tellərin qırılmaz olduğunu vurğulayıb. İranla Naxçıvan arasında sürətlə genişlənən əməkdaşlığın əhəmiyyətindən bəhs edən V.Talıbov bildirib ki, muxtar respublikanın və İranın aidiyyəti orqanları hazırda yeni iqtisadi layihələr barədə müzakirələr aparır.
AzərTAc xəbər verir ki, İran prezidenti Tehranın Azərbaycanla münasibətlərinin sürətli inkişafında maraqlı və Dağlıq Qarabağ münaqişəsinin Azərbaycanın ərazi bütövlüyü çərçivəsində həllinə tərəfdar olduğunu deyib.
Nümayəndə heyəti adından İran prezidentinə Məhəmməd Füzulinin yubileyi münasibətilə buraxılmış qızıl nişan, Naxçıvanın tarixinə, mədəniyyətinə aid fotoalbom və kitabçalar hədiyyə edilib.
mediaforum
Hiç yorum yok:
Yorum Gönder