Roma papası XVI Benedikt Bakıya dəvət ediləcək. Lent.az-ın “Kavkazskiy uzel” saytına istinadən verdiyi məlumata görə, bu barədə Qafqaz Müsəlmanları İdarəsinin beynəlxalq əlaqələr şöbəsinin rəhbəri Müqəddəs Payızov bildirib.
M.Payızov sayta açıqlamasında qeyd edib ki, Roma papası 2009-cu ilin oktyabrında dünyanın dini liderlərinin Bakıda keçiriləcək İkinci sammitinin işində iştirak etmək üçün dəvət olunacaq. Sammit dinlərarası dialoq və tolerantlığa həsr ediləcək. M.Payızov tədbirdə buddistlərin iştirakının da nəzərdə tutulduğunu və bunun heç bir problem yaratmayacağını qeyd edib. Bundan əlavə, qonşu dövlətlərin dini liderlərinin də sammitə dəvət edilməsi planlaşdırılıb. M.Payızov hazırda BMT-nin yanında dini məsləhətçi orqanın yaradılması ilə bağlı müvafiq sənədlərin hazırlanması üzərində iş getdiyini də vurğulayıb.
LENT.AZ
Hiç yorum yok:
Yorum Gönder