Türklər farslara mahnı ilə nəsihət verib. Şovinistlərə ünvanlanan mahnı İranda çaxnaşma yaradıb

Şovinistlərə ünvanlanan mahnı İranda çaxnaşma yaradıb



İranda türklərə qarşı təhqirlərin bir çox hallarda mətbuat səhifələrində, televiziya proqramlarında yer alması bu ölkədə yaşayan soydaşlarımızı qarşılıqlı addımlara vadar edib. Bu günlərdə Güney Azərbaycanda, habelə paytaxt Tehran və digər şəhərlərdə azərbaycanlı musiqiçilərin ifasında farslara müraciətlə yazılmış mahnı yayılıb. Rep janrında olan mahnı fars dilində yazılıb və ifaçılar bunu qarşı tərəfin mahnının sözlərini daha yaxşı anlaması üçün etdiklərini bildiriblər. Kütləvi şəkildə yayılan mahnının ifaçısının kim olduğu, hansı studiyada yazıldığı məlum deyil. Əhali arasında böyük populyarlıq qazanan və qadağan edilməsinə baxmayaraq, hətta açıq səsləndirilən mahnıda türklərin onlara qarşı təhqirlərə, ayrı-seçkiliyə artıq dözmədiyi və fars şovinistlərinə qarşılıqlı cavab verəcəyi bildirilir. Mahnının bir bəndi Azərbaycan türkcəsində oxunur və ifaçı beləliklə farslara nəsihət etdiyini, türklərin artıq bütün bu təhqirlərə dözmədiyini bildirir.

ETTELAAT mahnı müəlliflərinin axtarışına çıxsa da onları tapmaq mümkün olmayıb. ("OLAYLAR"İA)