«Türkdilli ölkələrin Parlament Assambleyasının yaradılması böyük hadisədir»

«Türkdilli ölkələrin Parlament Assambleyasının yaradılması böyük hadisədir»

Rüstəm Məmmədov: «Türk dünyasına qarşı qısqanclıq şəraitində türkdilli ölkələrin birliyinin yaradılması asan olmaycaq»
«Türkdilli ölkələrin Parlament Assambleyasının yaradılması böyük hadisədir». Bunu ANS PRESS-ə açıqlamasında politoloq Rüstəm Məmmədov deyib. Onun sözlərinə görə, Assambleyanın yaradılması türk dünyasında birlik ideyasının formalaşmasına xidmət edcəcək: «Çünki Parlamentlərarası Assambleyanın yaranması Türk dünyasının dərdlərinin birgə müzakirəsi və ali dövlət strukturu səviyyəsində həll olunması deməkdir. Türkdilli dövlətlər bu addımı dünyanın qloballaşdığı, eyni zaman dövlətlərin bir-birinə qarşı dayanmaq siyasəti yürütdüyü, eqoistlik nümayiş etdirdiyi məqamda Türk dünyasının özünün çıxış yolu, müstəqillik, başqalarına özünü tanıtdırmaq yoludur».

Rüstəm Məmmədov hesab edir ki, dünyada türklərə qarşı düşmən mövqedə dayanan ölkələr və qüvvələr hər zaman Türk dünyasının birliyinə maneəçilik törədiblər, onu «pantürkizm» adlandırıblar: «Türkiyənin mərhum prezidenti Turqut Özalın Türk dünyasının birliyi ideyasına necə mənfi reaksiyaların olduğunu görmüşük. Ona görə də mən hesab etmirəm ki, türkdilli ölkələrin birliyi asanlıqla başa gələcək. Sadəcə olaraq, bu addım nə vaxtsa atılmalıdır. Bu addımın atılması ilə Türk dünyasına qarşı yönəlmiş zərbələrin qarşısını birgə almaq imkanı olacaq». /ANS PRESS/