Tehran gecələri "Bəsic"ə əmanət edildi

Tehran gecələri
"Bəsic"ə əmanət edildi

İranda silahlı könüllülər dəstələrini birləşdirən "Bəsic" Müqavimət Qüvvələri Korpusu bundan sonra ölkənin iri yaşayış məntəqələrində gecə saatlarında asayişi təmin edəcək.
"İslam İnqilabı Keşikçiləri Korpusu"nun ("Sepahe Pasdarane İslame") "Məhəmməd Rəsulillah" diviziyasının komandanı, general Abdulla Əraqinin dediyinə görə, "Bəsic"in asayişin təminatına qoşulması "iranlıların gecələr daha rahat olmasına yardım edəcək".
"Bəsic"in komandanı Hüseyn Təib isə bəyan edib ki, könüllülər gecə növbələrinə noyabrın 28-də başlayacaqlar.
Bu zaman "Bəsic"də post-patrul funksiyalarını yerinə yetirməklə yanaşı, ciddi nəzarət və axtarış səlahiyyətləri hüququ da veriləcək.
Müşahidəçilər isə bunu Tehrandaka klerikal rejimin ölkə vətəndaşları üzərində nəzarəti maksimum dərəcədə gücləndirmək istəyi sayırlar.