Təbriz bazarı və Şeyx Səfiəddinin məqbərəsi YUNESKO-nun siyahısına düşə bilər

Təbriz bazarı və Şeyx Səfiəddinin məqbərəsi YUNESKO-nun siyahısına düşə bilər

16:17 19-11-2008





Quruma müraciət üçün sənədlər hazırlanıb

Güney Azərbaycanın Təbriz şəhərindəki tarixi bazar və Ərdəbil şəhərindəki milyonlarla kvadratkilometr əraziyə sahib Azərbaycan Səfəvi dövlətinin qurucusu, görkəmli dövlət xadimi Şah İsmayıl Xətainin əcdadı Şeyx Səfiəddinin uyuduğu məqbərə YUNESKO-nun “Mədəni İrs” siyahısına salına bilər.

Lent.az-ın Güney Azərbaycan Milli Hərəkatına bağlı oyrenci.com saytına istinadən verdiyi məlumata görə, bununla bağlı Güney Azərbaycanın şərq vilayətinin Mədəni İrslərin Qorunması və Turizm Təşkilatı beynəlxalq təşkilata müraciət ünvanlamağa hazırlaşır. Artıq lazımı sənədlər hazırlanıb və gələn ilin fevralında YUNESKO-ya təqdim olunacaq.

İşə YUNESKO-nun Tehrandakı təmsilçisi Bandarin Vetaniqoçi nəzarət edir.

Pərvin ABBASOV

LENT.AZ