AZƏRBAYCANDA DEMOKRATİYANIN İNKİŞAFI ÜÇÜN BÖYÜK İMKANLAR VARDIR

AZƏRBAYCANDA DEMOKRATİYANIN İNKİŞAFI ÜÇÜN BÖYÜK İMKANLAR VARDIR
“Mən Azərbaycanda demokratiyanın inkişafı üçün böyük imkanlar görürəm”.
AzərTAc xəbər verir ki, bu sözləri noyabrın 22-də jurnalistlərə ABŞ-ın İslam Konfransı Təşkilatındakı xüsusi nümayəndəsi Sada Kamber bildirmişdir. Din azadlığı və Amerika-Azərbaycan münasibətlərinə dair məsələlərlə bağlı fikir mübadiləsi aparmaq üçün Azərbaycanda səfərdə olan Sada Kamber demişdir ki, ABŞ demokratiyasının 200 illik tarixi var və Azərbaycan xalqı hələ çox şeyə nail ola bilər.
Amerika diplomatı vurğulamışdır ki, dünyada islam ekstremizminin və təməlçiliyinin yayılmasına yol verməmək üçün ilk növbədə əhalinin iqtisadi təhlükəsizliyini təmin etmək, “bilik cəmiyyətləri” yaratmaq, insanları dini cəhətdən maarifləndirmək lazımdır. Onun fikrincə, göstərilən mənfi halların yayılmasının başlıca səbəbi bəzi ölkələrdə iqtisadi vəziyyətin pis olmasıdır.
Sada Kamber demişdir ki, islam aləmi ABŞ-ın yeni hakimiyyətindən çox şey gözləyir və ABŞ ilə münasibətlərin yaxşılaşacağına ümid bəsləyir.