Barak Obama raket sipəri planını dəstəkləyəcək

ANS TV


--------------------------------------------------------------------------------

Barak Obama raket sipəri planını dəstəkləyəcək



Polşa rəsmiləri deyirlər ki, Amerika prezidenti seçilmiş Barak Obama Polşada raket sipəri yaratmaq planına dəstək verəcəyini vəd edib.
Polşa Xarici İşlər Nazirliyinin bəyanatında deyilir ki, cənab Obama bunu prezident Lex Katsinski ilə telefon söhbəti zamanı deyib.

"Barak Obama Polşa və ABŞ arasında strateji əməkdaşlığın əhəmiyyətini vurğulayıb. O iki ölkə arasında siyasi və hərbi əməkdaşlığın davam etdiriləcəyinə ümid ifadə edib.

O həmçinin deyib ki, raketdənmüdafiə sipəri layihəsi davam etdiriləcək."

Varşava və Vaşinqton arasında bu sipərin yaradılmasına dair saziş avqustun 14-də imzalanıb.

ABŞ Polşada 10 rakettutan mərmi yerləşdirmək, üstəlik Çexiyada 2011-2013-cü illərə kimi radar quraşdırmaq niyyətindədir.

Buş administrasiyasının mövqeyi bu idi ki, Avropada raketdən müdafiə sisteminin yaradılması, xətakar adlandırdığı dövlətlərdən mümkün raket hücumlarından qorunmaq üçün zəruridir.

ABŞ xəbərdarlıq edir ki, İran 2015-2017-ci illərə kimi nüvə başlığı daşıya bilən uzaqmənzilli raketlər əldə edə bilər.

Lakin Rusiya həmin raket sisteminin ona qarşı yönəldiyindən narahatdır.

Bu həftə Rusiya prezidenti Dmitriy Medvedev elan etmişdi ki, Moskva Amerikanın bu planlarına cavab olaraq, Kalininqrad anklavında özünün qısamənzilli raketlərini yerləşdirmək qərarına gəlib.



BBC