Neftin qiyməti $40-a yuvarlanır?

Neftin qiyməti $40-a yuvarlanır?
Noyabrın 20-də Nyu-Yorkun NYMEX birjasındakı hərracın gedişində WTİ neftinin dekabr füçerslərinin dəyəri 4 dollar azalaraq 1 barelə görə 49,62 dollar təşkil edib.
"APA-Economics"in məlumatına görə, İCE London qitələrarası birjasında Brent markalı neftin 1 barelinin dəyəri isə 3,64 dollar azalaraq 48,08 dollaradək enib.
"Deutsche Bank"ın hesablamalarına görə, 2009-cu ilin aprel ayınadək neft 40 dollara kimi ucuzlaşacaq. Bəzi ekspetlərsə neftin qiymətinin bu həddə daha tez çatacağını bildirirlər. Belə ki, dünya iqtisadiyyatında istehsal və nəticə etibarı ilə neftə olan tələbat azalır.
Beynəlxalq Enerji Agentliyinin baş iqtisadçısı Feyt Bayrol tələbatın və neft layihələrinə sərmayələrin azalmasını səbəb kimi gətirərək qeyd edir ki, neft bazarında enmə tendensiyaları gələn il də davam edəcək. "Deutsche Bank"ın hesabatına görəsə, neftin qiymətini bir qədər tarazlaşdırmaq üçün OPEC gündəlik neft hasilatını 2,5 mln. barel endirməlidir, lakin təşkilat üzvlərinin bu addımı atacağına "Deutsche Bank" şübhə ilə yanaşır, çünki bu, onların gəlirlərini daha da azaldacaq.