Son vaxtlar bütün cəbhə xətti boyunca atəşkəsin intensiv pozulması müşahidə olunur. «Media forum»a açıqlamasında Müdafiə Nazirliyi mətbuat xidmətinin rəisi Eldar Sabiroğlu bunu düşmən təxribatlarıyla bağlayıb: «Atəşkəsin intensiv pozulması nəticəsində tərəflər itki verir. Ermənilərin atəşkəs rejimini tez-tez pozması təxribat məqsədi daşıyır, Azərbaycanı başqa tədbirlərə əl atmağa səsləyir. Azərbaycan tərəfi də düşmənə lazımi cavab verir».
Eldar
Sabiroğlu
Cəbhə bölgəsində müntəzəm monitorinqlər keçirildiyini xatırladan E.Sabiroğlu bildirib ki, Azərbaycan beynəlxalq təşkilatları, eləcə də ATƏT-in yerli nümayəndəliyini Ermənistan Silahlı Qüvvələrinin atəşkəsi pozması haqqında məlumatlandırır: «Onlar bu məsələdən xəbərdardır».
E.Sabiroğlunun verdiyi məlumata görə, bu gün Tovuz rayonunun Muncuqlu kəndi yaxınlığında, qoşunların təmas xəttində keçirilən monitorinq insidentsiz başa çatıb.
ATƏT-in fəaliyyətdə olan sədrinin şəxsi nümayəndəsinin mandatına uyğun olaraq keçirilən monitorinqi Azərbaycan tərəfdə ATƏT-in hazırkı sədrinin şəxsi nümayəndəsinin səhra köməkçiləri İmre Palatinus və Antal Herdiç, qarşı tərəfdə isə ATƏT-in hazırkı sədrinin şəxsi nümayəndəsinin səhra köməkçiləri Piter Ki, Vladimir Çountulov və İrji Aberle müşahidə ediblər.
«Media forum»
Hiç yorum yok:
Yorum Gönder