İran təhlükəsizlik xidmətinin əməkdaşı Bağdadda tutulub

İran təhlükəsizlik xidmətinin əməkdaşı Bağdadda tutulub

13:10 19-11-2008





SEPAH üzvü qonşu ölkəyə qanunsuz silah göndərməkdə ittiham olunur

İran təhlükəsizlik xidmətinin yüksək vəzifəli əməkdaşı Bağdadda həbs olunub. Lent.az-ın “Breitbart”a istinadən verdiyi məlumata görə, tutulan şəxs İraqa qeyri-qanuni silah göndərməkdə şübhəli bilinir.

Amerika hərbçilərinin yaydığı məlumatda qeyd edilir ki, eyni zamanda İslam İnqilabı Keşikçiləri Korpusunun (SEPAH) üzvü olan iranlı biznesmen ölkəni tərk etmək istəyərkən Bağdad hava limanında həbs olunub. Onu tikinti materialları adı altında İrana terrorçular üçün nəzərdə tutulan böyük miqdarda silah keçirməkdə ittiham edirlər. Günahı sübuta yetirildiyi təqdirdə iranlı biznesmen İraq hərbi tribunalı qarşısında dayanacaq.

Rəsmi Tehran informasiyanı qəti şəkildə rədd edərək onu Amerikanın növbəti iftirası adlandırıb.

LENT.AZ