İran adlanan yerin xarici işlər naziri Ermənistan prezidentilə görüşüb

Görüşdə Serj Sarkisyan bildirib ki, İran Ermənistan üçün yaxşı qonşu və etibarlı tərəfdaşdır

Ermənistanda rəsmi səfərdə olan İranın xarici işlər naziri Manuçöhr Mottaki bu ölkənin prezidenti Serj Sarkisyanla görüşüb. Görüşdə tərəflər regional problemlərdən tutmuş İran-Ermənistan münasibətlərinə qədər bir çox məsələləri müzakirə ediblər. Serj Sarkisyan bildirib ki, İran Ermənistan üçün yaxşı qonşu və etibarlı tərəfdaşdır.

Manuçöhr Mottaki isə deyib ki, son vaxtlar İran-Ermənistan münasibətləri strateji xarakter alıb. Rəsmilər həmçinin, gələcəkdə Ermənistandan İrana çəkiləcək dəmir yolu xətti barədə də müzakirələr aparıb. Bununla yanaşı, Serj Sarkisyan və Manuçöhr Mottaki Qafqazdakı vəziyyətə dair fikirlərini də bölüşüblər. Sonda isə iranlı nazir prezident Mahmud Əhmədinejadın Tehrana dəvət təklifini erməni liderinə çatdırıb. /ANS TV/