Türk ordusundakı yeni dəyişiklik dünya mətbuatının gündəmində

Türk ordusundakı yeni dəyişiklik dünya mətbuatının gündəmində


QayNar: Türkiyə Konstitusiya Məhkəməsinin qərarından dərhal sonra Türkiyə Silahlı Qüvvələrinin Baş Qərargah rəsisi vəzifəsinə General İlker Başbuğun təyin edilməsinə dünya mətbuatı da maraq göstərdi. "Qaynar.info"-nun məlumatına görə, xarici qəzetlər, onun təyinatıyla bağlı, "Türkiyə, anti İslamçı ordu komandiri təyin etdi", "Dünyəvi dövlətin qorunmasında sələfi qədər sərt xətt mənimsəməsi gözlənilir", "Hökumətlə gərgin əlaqələri asanlaşdırması gözlənilir", "Böyük müdafiəçi, ordunun başına keçir" kimi şərhlər verdi.

GUARDİAN: "ORDU İLƏ AKP HÖKUMƏTİ ARASINDAKI GƏRGİNLİK AZALACAQ"

"The Guardian" "Türkiyə, anti İslamçı ordu komandiri təyin etdi" başlıqlı xəbərində, "Türkiyənin güclü əsgərlər, İslamçılığa qarşı qaya kimi duruşu ilə tanınan yeni ordu komandiri təyin edərək ölkənin dünyəvi sisteminə sarsılmaz bir dəstək mesajı göndərdi" fikrini yazıb.
General İlker Başbuğun Baş Qərargah rəisi təyin edilməsini, ordu ilə AKP hökuməti arasındakı gərginliyin azalacağına işarə olaraq dəyərləndirən qəzet, AKP-nin keçən həftə bağlanacağından da söz açıb.

Konstitusiya Məhkəməsinin qərarını AKP üçün "şərtli azad etmə"yə bənzədən qəzet, "Türkiyənin NATO və İsrail ilə əlaqələrinin güclü bir dəstəkçisi" olaraq xarakterizə etdiyi General Başbuğ üçün bunları yazdı: " Yeni komandir, Atatürk tərəfindən qurulan və ordunun başlıca qoruyucusu olaraq görülən dünyəvi dövlətin qorunması mövzusunda sələfi qədər sərt bir xətt mənimsəməsi gözlənilir."

The Guardian, General Başbuğun iki il əvvəl verdiyi bir danışmada siyasi İslamı bir "hədə" olaraq xarakterizə etdiyini, ancaq bəzi şərhçilərin General Başbuğun ordu komandiri olaraq "daha konstruktiv bir yanaşma" mənimsəyəcəyini söylədiklərinə də diqqət çəkdi.

LE MONDE: "DÜNYƏVİLİYİN BÖYÜK MÜDAFİƏÇİSİ"

Fransanın yüksək tirajlı qəzetlərindən "Le Monde" də, "Dünyəviliyin müdafiəçisi Türk ordusunun başına keçir" məqaləsində General Başbuğu "Dünyəviliyin böyük müdafiəçisi" olaraq xarakterizə etdi.

Natiq Kamal, QayNar

qaynar