ABŞ İrana qarşı "cərimə tədbirləri" tələb edir

ABŞ İrana qarşı "cərimə tədbirləri" tələb edir

Ağ Ev bildirib ki, Amerika Birləşmiş Ştatları və onun müttəfiqləri İrana qarşı cərimə tədbirləri görəcəklər.

İran nüvə proqramının dayandılması müqabilində ona ediləcək güzəştlər təklifinə cavab verməyib.

Birləşmiş Millətlər Təşkilatının beş daimi üzvü və Almaniya İranın nüvə proqramı ilə bağlı bu gün telefon danışıqları aparacaqlar.

İran çərşənbə axşamı cavab məktubu göndərib, amma orada sadəcə yazıb ki, "aydın cavab verməyə hazırdır, amma əvəzində də eynisini gözləyir".

Ağ Evin sözçüsü Dana Perino bildirib ki, iranlılar məsələni uzadırlar.

Dünən ABŞ dövlət Departamenti bildirib ki, Tehranın Avropa Birliyinə göndərdiyi cavab aydın mesaj vermir, ona görə də "əlavə tədbirlər" qaçılmazdır.

İran Avropa Birliyindən güzəştlər paketinə dair əlavə açıqlamalar istəyib.

Amerika, Britaniya və Fransa xəbərdarlıq ediblər ki, İran onların təkliflərinə müsbət cavab verməsə, bu ölkəyə qarşı əlavə sanksiyalar yeridiləcək.

İrana Qərbin həvəsləndirici paketinə cavab verməsi üçün avqustun 6-na qədər vaxt qoyulmuşdu.