"Nyu-York Tayms" İranın yeni silahını necə şərh etdi?

"Nyu-York Tayms" İranın yeni silahını necə şərh etdi?


Yazar: NAZİLA FATHİ
Tərcüməçi: Gülər Sadıqova

İran bazarertəsi xəbərdarlıq edib ki, o çox asan şəkildə İran körfəzində neft yükləmələrini dayandıra bilər və onun düşmən gəmilərini 200 mil məsafədən batıra biləcək hərbi dəniz silahı var.
İranın İnqilab Keşikçiləri Korpusu (Sepah) tərəfindən edilən bu xəbərdarlıq, dünyada altı supergücün uranın zənginləşdirilməsini dayandırması barədə İrana verdikləri möhlət başa çatmasından dərhal sonra edilib.

Fars körfəzində hərbi gəmiləri olan ABŞ bildirib ki, verilən möhlət ərzində beynəlxalq tələbləri yerinə yetirmədiyi üçün İrana qarşı yeni sanksiyalar tətbiq edilə bilər. 6 güc ��" ABŞ, Rusiya, Çin, Fransa, Britaniya və Almaniya İrana yeni sanksiyaların tətbiq edilməsinə razılıq veriblər, amma bu sanksiyaların nədən ibarət olacağı və ona hansı ölkələrin qoşulacağı açıqlanmayıb.

İran xəbər agentliyindən gələn məlumatlara görə, İnqilab keşikçilərinin rəhbəri General Mohammad Əli Jafari bildirib ki, İran Fars körfəzində��" mühüm neft yolu Hörmüz boğazı üzərindəki “ hüdudsuz nəzarətini” həyata keçirməyə hazırdır.
“ Hörmüz boğazını qeyri-məhdud müddətə bağlamaq çox asan olardı” o çıxışında əlavə edib.

Bundan əlavə General Cəfəri bildirib ki “ Keşikçilər bu yaxınlarda yeni hərbi dəniz silahını sınaqdan keçiriblər və mən əminliklə deyə bilərəm ki, düşmən gəmiləri 300 kilometrlik məsafədə sağ qala bilməyəcəklər. Şübhəsiz ki, biz onları dənizin dibinə göndərəcəyik”.

General Cəfəri sınaqdan keçirilmiş silahın hansı növə aid olduğu barədə detalları açıqlamayıb, amma bildirib ki silah İran istehsalıdır və dünyada analoqu yoxdur.
O deyib ki, silahın Fars körfəzinə qədər geniş diapozonu olacaq və göründüyü kimi körfəzdə hərbi manevrlər edən ABŞ döyüş gəmilərinə də çata bilər.

İran əvvəllər də hərbi bacarığı barədə oxşar iddialarla çıxış etmişdi, lakin analitiklər buna şübhə ilə yanaşmışdılar. Keçən ay İran bildirib ki, o yeni raketləri sınaqdan keçirib və rəsmi Tehranın bildirdiyinə görə bu silahın İsrailə çatacaq qədər diapozonu var.

Qərb hərbi analitikləri bildirirlər ki, bu müharibə oyunu özündə həqiqi nümayişdən daha çox uydurma xarakteri daşıyır və böyük diapozonlu raket söhbətləri əslində yalandan başqa bir şey deyil.

General Cəfərinin dedikləri İran və ABŞ arasında İranın nüvə proqramı üzərindəki gərginliyin son işarəsi idi, Vaşinqton və digər qərb dövlətlərinin xəbərdarlıq etdiyinə görə bu çıxışlar nüvə silahının inkişafını ört ��" basdır etmək üçün də ola bilər, lakin Tehran ittihamı dəfələrlə rədd edib.

Buş adminstrasiyası İrana qarşı hərbi seçimi istisna etmir, iyunda İsrail hava qüvvələri - Amerikan kəşfiyyat rəsmilərinin adlandırdığı kimi- İran nüvə vasitələrinə mümkün zərbə endirmək üçün məşq keçiriblər.

İyulun 19-da altı ölkə nümayəndələri Cenevredə İran rəsmiləri ilə görüşdülər, və ilk dəfə olaraq ABŞ-ın yüksək vəzifəli diplomatı Viliam Börnz bu görüşdə iştirak etdi. Danışıqlarda İranın nüvə zənginləşdirilməsini dayandırması ətrafında heç bir inkişaf gözlənilmirdi.

5+1 ölkələrinin İrana təkilfi bundan ibarət idi ki, İran nüvə proqramını genişləndirməyəcəkdi. Birləşmiş Ştatlar və digər güclər formal danışıqlara yol açmaq üçün altı həftə ərzində İrana yeni sanksiyalar tətbiq etməyəcəkdilər.

Bazar günü Prezident Mahmud Əhmədinejad and içdi ki, İran öz nüvə hüquqlarından “ bir addım” da geri çəkilməyəcək, baxmayaraq ki, o bildirib, danışıqlar bəyəniləndir.

ABŞ diplomatları bazarertəsi bldiriblər ki, onlar öz seçimlərindən istifadə edəcəklər. “ Biz tərəfdaşlarımızla danışıqlar mərhələsindəyik,lakin buda açıq aydındır ki İran tərəfdən heç bir müsbət reaksiya yoxdur”, Fransanın Birləşmiş Ştatlarda daimi deputatı Jean-Pierre Lacroks bildirib.

ABŞ Dövlət departament rəsmisi Gonzalo Gallegos bildirib ki, ABŞ İranın hərəkətindən olduqca məyus olub. “ İran üzərində beynəlxalq ictimaiyyətin tələb və öhdəlikləri yerinə yetirmək üçün təzyiqlər hələ artacaq,” o deyib.

qaynar.info