Bakı – APA. Ermənistanın uzun müddətdir, Azərbaycan vətəndaşı olan mülki şəxsi əsir saxladığı məlum olub.
Əsir və itkin düşmüş, girov götürülmüş vətəndaşlarla əlaqədar Dövlət Komissiyasının katibi Şahin Sayılovun APA-ya verdiyi məlumata görə, Ağstafa rayon sakini olan Arzu Eyyubov bu il fevralın 19-da cəbhənin Ağstafa-İcevan istiqamətində qeyri-müəyyən şəraitdə əsir götürülüb. Ş. Sayılov əsirin səhhəti ilə bağlı məlumatsız olduqlarını, onun qaytarılması istiqamətində danışıqlar aparıldığını deyib. Beynəlxalq Qırmızı Xaç Komitəsinin Azərbaycan nümayəndəliyinin mətbuat xidmətinin əməkdaşı Gülnaz Quliyeva isə APA-ya bildirib ki, qurumun nümayəndələri sonuncu dəfə Ermənistanda saxlanılan əsirə bu il iyulun 18-də baş çəkiblər.
apa
Hiç yorum yok:
Yorum Gönder