Təbriz Səhənd Universitetinin həbs edilən iki tələbəsi Peyman Qulami və Əli Abdullazadə girov müqabilində azadlığa buraxıldılar

Təbriz Səhənd Universitetinin həbs edilən iki tələbəsi Peyman Qulami və Əli Abdullazadə girov müqabilində azadlığa buraxıldılar



DAK informasiya mərkəzinə Güneydən daxil olan məlumata əsasən iki həftə öncə ETTELAAT məmurları tərəfindən həbs edilən Təbriz Səhənd Universitetin öyrənciləri Peyman Qulami və Əli Abdullazadə Təbriz həbsxanasına aparılmışdılar. Ailələrinin və Güney Azərbaycanın ziyalı və hüquq müdafiəçilərinin ardıcıl bəyanatları nəticəsində girov müqabilində dünən 5 avqust 2008-ci il tarixində müvəqqəti azadlğa buraxılmışlar.

Xatırladaq ki, son günlərdə Güney Azərbaycanın milli haqlarını tələb edən tələbələrə qarşı həbs və təzyiq, ağır işgəncələrlə müşahidə olunan ETTELAAT məmurlar tərəfindən əməliyyatlar həyata keçirmişlər.

Ümumilikdə Güney Azərbaycanın universitetlərində 17 nəfər milli haqlarını müdafiə edən tələbə həbs edilərək ağır işgəncələrə məruz qalmışdır. Onlardan Peyman Qulami, Əli Abdullazadə, Məhəmməd Haşimi və Baharə Hidayət, Məcid Əsədi, Səlman Sima, Mehdi Xudayi, Məhəmməd Ziraəti, Fərzad Həsənzadə, Pəyam Şəkiba, Arəş Rayici, Həsən Cənidi, Səccad Radmehr, Aydın Xaceyi, Fəraz Zehtab, Vədud Əsədi və bir neçə milli hərəkat fəalı və hüquq müdafiəçisi Həmid Valayi və başqaları həbs olunaraq ağır işgəncə və təzyiqlər altındadır.

www.dak.az