بو ایل ده کانادانین بؤیوک شهرلریندن بیری اولان و مهاجرلرین ان چوخ یاشادیغی تورونتو اوچونجو تورک فئستیوالینی ایچدن لیکله قارشیلادی. فئستیوالدا تورک ال صنعت لری، تورک سفره سی نین زنگین لییی و مختلف عادت عنعنه لرله حاضیرلانمیش غرفه لرین یانی سیرا موسیقی، رقص و خالق ماهنیلاری دا فئستیوالا گلنلره تقدیم اولوندو. تورکیه اوشاقلار رقصی نین یانیدا تبریزدن بالاجا یاشار داوری نین صمد پورموسوی ایله بیرلیکده سوندوقلاری رقص قوناقلارا داها هیجانلی آنلار یاشاتدی.
پروقرامدا آذربایجان رقصلریندن ناز ائیله مه و یاللی رقصی، صمد پورموسوی، مسی تاتاری، علی قائم مقامی، ثمین افتخارنژاد، شهرام طالبی، احد داوری، لاله جوانشیر و فرهادین اجراسی ایله صحنه یه چیخدی. اوچ آیری آذربایجان رقصی ده اجرا اولونودو. مسی تاتاری قوناقلارلا قاوال رقصینی پایلاشدی.
موسیقی بؤلومونده مهدی سقطچی سازدا بیر زنجان ماهنی سی ایفا ائله دی. آذربایجان تار موسیقی صنعتیندن اؤرنکلری ایسه محمد امان و عراق تورکمن لریندن اولان شاهین بی سوندولار.
پروقرام آراز ماهنی و رقص گروهونون حاضیرلادیغی آذربایجان ماهنیسی نی هر کسین سس سسه اوخوماسی ایله باشا چاتدی.
.
آشاغیدا پروقرامدان چکیلمیش بیر نئچه عکسی ایزله یه بیلرسیز:
Hiç yorum yok:
Yorum Gönder