SİLAHLILAR NEFT AKADEMİYASINDA QƏTLİAM TÖRƏTDİ - yeni 11

Ölənlərin sayı barədə ziddiyyətli informasiyalar var: 7, 10, 14, 22



Bu dəqiqələrdə aldığımız məlumata görə, bu gün səhər saatlarında Bakının mərkəzində qanlı olay baş verib. Xəbərə görə, 4 nəfər naməlum silahlı şəxs Azərbaycan Dövlət Neft Akademiyasının binasına girərək tələbə və müəllimlərə atəş açmağa başlayıblar. Ümumilikdə 17 nəfərin güllələndiyi, onlardan 8-nin öldüyü, qalanlarınını ağır yaralandığı bildirilir.

APA-nın məlumatına görə, insident Bakı vaxtı ilə 09.30 radələrində xarici vətəndaşlarla azərbaycanlı tələbələr arasında baş verib. İlkin məlumata görə, qaradərili bir tələbə odlu silahdan atəş açaraq üç azərbaycanlı tələbəni qətlə yetirib. Cinayət törədən şəxsin hazırda otaqların birində bir neçə tələbəni girov götürdüyü də bildirilir. Hadisə yerinə çoxlu sayda hüquq-mühafizə orqanlarının əməkdaşları cəlb olunub. Nəsimi rayon Polis İdarəsindən APA-ya verilən məlumata görə isə, hadisə zamanı 3 nəfər yaralanıb, bir nəfər isə ölüb.

*** İnsident baş verən yerin yaxınlığına çoxlu sayda təcili tibbi yardım maşını gətirilib. Bakı şəhər təcili tibbi yardım stansiyasından APA-ya verilən məlumata görə, insident zamanı ən azı 15 nəfər yaralanıb. Hazırda terrorçunun binada çoxlu sayda tələbəni girov saxladığı bildirilir. Girovların azad olunması və terrorçunun zərərsizləşdirilməsi məqsədilə əməliyyat keçirilir.

Hadisənin şahidlərinin verdikləri məlumata görə, Azərbaycan Neft Akademiyasında baş verən insidentdə bir neçə silahlı şəxs iştirak edib. Hadisə zamanı ölənlərin sayının çox olduğu bildirilir. Hazırda tələbələrin binadan çıxarılmasına çalışılır.


Terror aktının rus milliyyətindən olan maskalı şəxslərin törətdiyi bildirilir. Hadisə zamanı ölən və yaralananların sayının artdığı qeyd olunur. İlkin məlumata görə, ölənlər arasında Azərbaycan Neft Akademiyasının fakültələrindən birinin dekanı da var.


Daxili İşlər Nazirliyi Çevik Polis Alayının komandiri Səhlab Bağırovun APA-ya verdiyi məlumata görə, Azərbaycan Neft Akademiyasında silahlı qırğın törədən terrorçular artıq zərərsizləşdirilib. Hazırda binadan iki meyit çıxarılıb. Səhlab Bağırov terorçuların neçə nəfər olduğunu bildirməyib. Hadisə yerində olan Təcili Tibbi Yardım Stansiyasının əməkdaşları isə binadan 8 meyitin çıxartdıqlarını bildiriblər.

Hadisə yerində olan əməkdaşımızın verdiyi xəbərə görə, daxili işlər nazirinin müavini Vilayət Eyvazov jurnalistlərə qısa şəkildə terrorçunun zərərsizləşdirildiyini bildirib. Onun güllələndiyi bildirilir, ancaq kimliyi barədə məlumat verilmir. İçəridə qalan terrorçuların bir neçə nəfəri girov saxladığı bildirilir. Ətrafa snayperlər gətirilib.

Bu arada hadisələrin yaxınlıqda baş verdiyindən ABŞ səfirliyində 3 qat təhlükəsizlik tədbirləri görüldüyü, hər kəsin əndişə içində olduğu xəbər verilir. Metrostansiyalarda təhlükəsizlik tədbirləri artırılıb.

Bakı şəhər təxirə salınmaz və tibbi yardım stansiyasından ANSPRESS-ə verilən məlumata görə, hadisə ilə bağlı xəstəxanaya 8-ə yaxın yaralı daxil olub. Amma xəstəxanaya yaralı şəxslərin gətirilməsi prosesi davam edir.

ANSPRESS-in əməkdaşının verdiyi məlumata görə, hazırda hadisə yerində polis və xüsusi təyinatlı dəstələr əməliyyat keçirirlər.

Hadisə yerinə baş prokuror Zakir Qaralov və daxili işlər naziri Ramil Usubov gəlib.

Qeyd edək ki, hadisə barədə informasiyanı Türkiyədən yayınlanan "Habertürk" telekanalı yaydığı halda, Azərbaycan telekanalları susurlar. Sayt və portallrada isə həddindən artıq yüklənmə var.

Ətrafda yığışanlar arasında danışılan söz-söhbətə görə, bu qətliam "Əbu-Bəkr" məscidinə qumbara atılması iıə bağlı tutulanların itiham aktının yekunlaşması ilə bağlı ola bilər. Guya ki, bu, radikal vəhhabi qruplaşmasının, böyük ehtimalla "əl-Qaidə"nin qisas aksiyasıdır. İnsanlarda bu rəyi doğuran əsas amil odur ki, terrorçulardan birinin ərəb mənşəli olduğu aydınlaşıb.

Türkiyə televiziyalarının yaydığı məlumata görə, ölənlərin sayı 10-a yüksəlib və onların içində fakültənin dekanı və türkiyəli tələbələr də var.

Daha bir xəbərə görə, klinikalardakı istirahətdə olan cərrahlar da səfərbər olunub. Bu isə yaralıların elan olduğundan da artıq olması anlamına gəlir.

11.45. Hazırda ajiotajın səndiyini, hərbçilərin öz dislokasiya yerinə qayıtdığı bildirilir,


11.50. Materialşünaslıq fakültəsinin müəllimlərindən birininin müsavat.com-a verdiyi açıqllamaya görə, hadisə baş verərkən o, auditoriyada mühazirə deyirmiş: “Güllə səsləri eşidilən kimi tələbələri koridora çıxmağa qoymadım. Sonra polis gəldi. Yavaş-yavaş tələbələri universitetdən çıxardıq. Sonra özümüz çıxdıq. Eşitdim ki, 1 qadın müəlliməni koridorda vurublar. Müəllimə hazirda əməliyyat olunur. Bu brədə mülləmənin öz qızı məlumat verdi”.

12.05. Terrorçuların 4 nəfər olduqları, birinin qaradərili, digərinin Gürcüstan vətəndaşı olduğu barədə informasiyalar var.

12.07. Teraktın məscidlərin bağlanmasına qarşı həyata keçirildiyi barədə versiyalar güclənir.

12.10. Öldürülən tələbələrin əksəriyyətinin başından vurulduğu bildirilir. Qaradərili terrorçu isə boğazından vurulub.

12.12 Əmiliyyatı MTN xüsusi təyinatlı dəstəsi həyata keçirib. Polis yalnəz ətrafı mühafizə edir.

12.14. Şəfa Məmmədova adlı biotexnika fakultəsinin laborantından xəbər yoxdur. Onun qətlə yetirlənlər arasında ola biləcəyi güman edilir. Valideynləri həmin qızın telefonuna zəng edir, ancaq onun telefonuna naməlum adamlar cavab verirlər.

12.20. ANSPRESS-ə verilən məlumata görə, hadisə nəticəsində 10 nəfər həlak olub. 4 saylı Əfəndiyev adına Xəstəxanadan verilən məlumata görə, faktla bağlı xəstəxanaya 5 nəfər gətirilib. Onlardan 2-si ölüb. Hər iki şəxs Ayaz Bağırov və Savalan Cabbarov 4-cü kurs tələbələri olublar. 3 nəfər yaralı isə ağır vəziyyətdə reanimasiyadır. Onlardan biri suriyalı Naoya Dean, digərləri Zemfira Hüseynli və Rəhman Axundovdur. Məhkəmə tibbi ekspertiza və patoloji anatomiya birliyinə isə indiyə qədər 13 meyitin gətirildiyi bildirilir.

12.44. Lent.az-ın xəbərinə görə, ölənlərin sayı 22-yə çatıb.

12. 46.Terrorçunun bir nəfər olduğu və yalnız tapançadan istifadə etdiyi bildirilir. Ölən qaradərilinin terroçu olmadığı, terror qurbanı olduğu dəqiqləşib.






musavat.com