Tiqran Sarkisyan: “Türkiyə ilə əldə olunan razılaşmalarda Qars müqaviləsinin tanınması və birgə komissiyanın yaradılması barədə müddəa yoxdur və olmayacaq”
“Türkiyə-Ermənistan münasibətlərinin nizamlanmasına dair heç bir gizli razılaşma yoxdur və olmayacaq”. APA-nın “Novosti Armeniya” saytına istinadən yaydığı məlumata görə, bu fikirləri Ermənistanın baş naziri Tiqran Sarkisyan söyləyib.
“Mən yaxşı başa düşürəm ki, Ermənistan-Türkiyə münasibətləri həm Ermənistanda, həm də ölkəmizin hüdudlarından kənardan yaşayan erməni xalqı üçün çox həssas mövzudur. Söhbət Türkiyə ilə diplomatik münasibətlərin qurulmasından gedirsə, biz öz dəyərləndirmələrimizdə və fikirlərimizdə son dərəcə ehtiyatlı və dəqiq olmalıyıq. Yaxşı başa düşürük ki, Türkiyə ilə diplomatik əlaqələr qurmaq və qeyd-şərtsiz sərhədləri açmaq istəyimizə qarşı çıxan siyasi qüvvələr var. Əmin edirəm ki, cəmiyyətdən gizli saxlanılan heç bir məxfi razılaşma, prinsip və müddəa yoxdur. Məncə bu məsələ ilə bağlı ictimai debatların keçirilməsi zəruridir, çünki hakimiyyətin bu məsələdə xalqdan gizlədəcəyi heç nə yoxdur. Sənəd parlamentə daxil olanda xalq və millət vəkilləri öz qiymətlərini verə biləcəklər. Qərarı deputatlar verəcək, bu kimi ciddi məsələlərdə onların iradəsi inkar edilə bilməz. Milli maraqlardan çıxış etsək, o zaman Ermənistanın xarici siyasəti antitürk siyasəti deyil, ermənipərəst siyasət üzərində qurulmalıdır”, - deyə Sarkisyan bildirib.
Baş nazir əldə olunan razılaşmalarda Qars müqaviləsinin tanınmasına, soyqırımı məsələsini araşdırmaq üçün tarixçilərdən ibarət komissiyanın yaradılmasına dair müddəa yoxdur və olmayacaq: “Çünki tərəflər öz aralarında münasibətlərin qurulmasına qeyd-şərtsiz gedirlər, digər müddəalar isə ilkin razılaşmaların olmasını tələb edir. Ermənistanla Türkiyə arasında sərhədlərin açılması və diplomatik münasibətlərin qurulması üçün heç bir ilkin şərt yoxdur”.
LENT.AZ
Kaydol:
Kayıt Yorumları (Atom)
Hiç yorum yok:
Yorum Gönder