İran səfiri vida mərasimi keçirib

İran İslam Respublikasının Azərbaycandakı yeni səfiri Məhəmməd Bagir Bəhrani yaxın vaxtlarda Azərbaycana gələcək. Bu barədə səfirlikdən APA-ya bildirilib.
Verilən məlumata görə, yeni səfir Həmədan Universitetinin doktorudur. O, müxtəlif vaxtlarda 3 dəfə İran parlamentinin üzvü olub.
Yeri gəlmişkən, İranın Azərbaycandakı səfiri Nasir Həmidi Zare Bakıda diplomatik səlahiyyətlərinin başa çatması ilə əlaqədar dünən vida mərasimi keçirib. Xatırladaq ki, o 2007-ci ilin martından Azərbaycanda ölkəsinin diplomatik missiyasına rəhbərlik edib.