Prezident Mahmud Əhmədinejad İranın regional superdövlətə çevrildiyini və Yaxın Şərqdə real rəqiblərinin olmadığını bəyan edib.
Lent.az-ın “NEWSru Israel” saytına istinadən verdiyi məlumata görə, Əhmədinejad artıq bütün cəbhələrdə qalib gəldiklərini bildirib: “Allahın köməyi ilə gələcəkdə də qələbə çalacağıq”.
Onun fikrincə, bu qələbələrdən biri kimi beynəlxalq ictimaiyyətin İranın nüvə sahəsində fəaliyyəti ilə faktiki barışmasını göstərmək olar. Qeyd edək ki, MAQATE direktoru Mahmud əl-Baradei son illər aparılan Tehrana təzyiq kampaniyasının uğursuz nəticələndiyini etiraf edib.
Əhmədinejad İran xalqının birliyinin və dini lider Əli Xamneyinin tapşırıqlarının yerinə yetirilməsi sayəsində ABŞ-ın və İranın digər düşmənlərinin planlarını yerlə-yeksan etdiklərini bildirib.
LENT.AZ
Hiç yorum yok:
Yorum Gönder