Türkiyədə keçiriləcək “Dünya Mədəniyyət Gözəli” yarışmasında Azərbaycanı Lalə Eyvazova təmsil edəcək

Türkiyədə keçiriləcək “Dünya Mədəniyyət Gözəli” yarışmasında Azərbaycanı Lalə Eyvazova təmsil edəcək



[ 25 Noyabr 2008 17:48 ]


Bakı. Ülkər Qasımova-APA. Bu gün Türkiyənin İstanbul şəhərində “Dünya Mədəniyyət Gözəli” yarışması keçiriləcək. Bu barədə APA-ya məlumat verən “Azəri Star Production”un rəhbəri Kamal Cenk İçten deyib ki, yarışma Bakı vaxtı ilə saat 23:00-da başlayacaq və canlı olaraq “Fashion TV”-də nümayiş olunacaq. Hazırda Türkiyədə olan K.C. İçten müsabiqənin münsiflər heyətində təmsil olunacaq. “Dünya Mədəniyyət Gözəli” yarışmasında Azərbaycanı “Best model of the world-2007” model yarışmasında xüsusi mükafata layiq görülən Lalə Eyvazova təmsil edəcək. K.C.İçtenin sözlərinə görə, bu gecə yarışmada dünyanın 18 ölkəsindən iştirakçılar müsabiqədə yarışacaqlar. Əvvəlcədən sənətçi Röyanın da bu müsabiqədə iştirak etməsi ilə bağlı verilən məlumatlar isə özünü təsdiqləməyib. Belə ki, bu gecə keçiriləcək yarışmada Azərbaycan sənətçilərindən heç kim iştirak etməyəcək.