Tehran Əllamə Təbatəbai Universitetinin ədəbiyyat fakültəsinin dörd keçmiş tələbəsi üç gün əvvəl universitetin binasında oturaq aksiyaya başlayıb. «Media forum» saytının məlumatına görə, bu gün ETTELAAT əməkdaşları onları döyə-döyə universitetdən çıxarıb.
Məhdiyyə Gülru
Sadıq Şücai, Məhdiyyə Gülru, Səid Feyzullazadə və Məcid Dorri universitetdə tələbə təşkilatlarının fəaliyyətinə qoyulan qadağaya, tələbə dərgilərinin qapadılmasına, tələbələrin inzibati komitələrə çağırılmasına və dissident müəllimlərin işdən çıxarılmasına etiraz etdiklərinə görə bir il qabaq təhsildən məhrum ediliblər.
Oturaq aksiyada onlar təhsil hüquqlarının bərpa olunmasını istəyiblər.
M.Gülru «Azadlıq» radiosunun fars redaksiyasına açıqlamasında deyib ki, tələbləri yerinə yetirilənə qədər aksiyanı davam etdirəcəklər.
Hiç yorum yok:
Yorum Gönder