İran qəzeti Xəzər dənizini “Qəzvin” adlandırıb

İran qəzeti Xəzər dənizini “Qəzvin” adlandırıb

19:11 25-11-2008





İranda dərc olunan “Etimad” qəzeti Xəzər dənizini “Qəzvin” adlandırıb.

Lent.az-ın Güney Azərbaycan Milli Hərəkatına bağlı oyrenci.com saytına istinadən verdiyi məlumata görə, qəzetin 23 noyabr sayında Xəzər dənizinin adı səhvən deyil, qəsdən Qəzvin adlandırılıb. Mətbu orqanın 7-ci səhifəsində verilən “Uyğurların Çinin paytaxtını alması” başlıqlı məqalədə bizim eradan əvvəl 762-ci il noyabrın 21-də Uyğur türklərinin Çinin paytaxtı Lo-Yanq şəhərini tutaraq, çinlilərin hakimiyyətinə son qoyması və öz hökmranlığını qurması barədə məlumatlar verilir. Yazıda onların qurduğu imperiyanın ərazisinin “Mancuriyadan Qəzvin dənizinə qədər uzandığı” bildirilir. Yəni Xəzər dənizinin adı qəsdən “Qəzvin” yazılıb.

Qeyd edək ki, heç bir tarixi mənbədə Xəzər dənizinin adı Qəzvin kimi göstərilməyib.


Pərvin ABBASOV