İranın baş prokuroru “MOSSAD”-a casusluq edənlərin edam olunmalarını tələb edir

İranın baş prokuroru “MOSSAD”-a casusluq edənlərin edam olunmalarını tələb edir



[ 25 Noyabr 2008 19:46 ]


Tehran - APA. İranın baş prokuroru “MOSSAD”-ın ölkədə terror aktları törətmək niyyətində olduqlarını etiraf edən üç agentinə ölüm hökmü tələb edəcəyini bildirib. APA-nın İSNA-ya istinadən verdiyi məlumata görə, baş prokuror Səid Mortazavi bildirib ki, ittiham olunanların hamısı İsraildə təlim keçib, onlara silah, partlayıcı vasitələr və casus texnikası ilə davranma qaydaları öyrədilib. Baş prokurorun sözlərinə görə, casuslar hər hansı terror aktı keçirməyə imkan tapmamış həbs ediliblər.

Qeyd edək ki, İran hakimiyyət orqanları ölkədə İsrailin casus şəbəkəsinin ifşa olunması barədə noyabrın 24-də açıqlama yayıb. Məlumatda bildirilir ki, casuslar Tehranın nüvə proqramı və İran hərbi kəşfiyyatı haqqında informasiya toplamaqla məşğul olublar. İstintaq zamanı həbs olunanlar qətl və partlayışlar planlaşdırdıqlarını etiraf ediblər. Lakin casusların neçə nəfər olduğu açıqlanmır.

İsrailin casus şəbəkəsi ifşa olunmazdan az öncə isə İranda telekommunikasiya avadanlıqlarının satışı ilə məşğul olan 45 yaşlı Əli Aştari İsrailin xeyrinə casusluqda günahlandırılaraq edam olunub. Lakin İsrail bu faktı təkzib edib.