Firuz Yusifi
Azərbaycan milli kimliyi uğrunda apardığı dinc mübarizəsinə görə 11 gün əvvəl yaşadığı Kərəc şəhərində həbs edilərək Tehranın Evin zindanının 209-cu korpusuna aparılan güneyli fəal, Tehranın Pəyami-Nur Universitetinin tələbəsi Firuz Yusifi həbs edilməsinə və saxlandığı kameranın ağır şəraitinə etiraz olaraq aclıq aksiyasına başlayıb.
«Media forum» saytı xəbər verir ki, 11 günlük həbsdən sonra F.Yusifinin anası oğlunu Evin zindanında yalnız şüşə arxasından bir neçə dəqiqəliyə görə bilib. Anaya oğlunun səsini eşitməyə və onunla danışmağa icazə verilməyib.
F.Yusifinin anasının son dərəcə zəifləmiş oğlunu görəndə halının pisləşdiyi də bildirilir.
Məlumatlara görə, azərbaycanlı fəal həbsxanada müxtəlif psixi və fiziki təzyiqlərə məruz qalıb.
Hiç yorum yok:
Yorum Gönder