Bəşər Əsəd iki ölkənin münasibətlərini "Rusiya-Gürcüstan" olaylarına bənzətdi
QayNar: Suriya ordusunun xüsusi bölmələri Livan sərhəddində toplaşmağa başlayıb. "Qaynar.info" İngiltərənin "Financial Times" və "Times" qəzetlərinə istinadən verdiyi xəbərə görə, Suriya, sərhəddə toplaşan təqribən 10 min əsgərin, qaçaqmalçılıqla mübarizə apardığını bildirir. Ancaq bu addımın Tripoli şəhərində bir müddət öncə yaşanan sünni-şiə qarşıdurması ilə əlaqədar olduğunu düşünən Livan hökuməti, baş verənləri qayğı içərisində seyr edir.
Suriyanın dövlət başçısı Bəşər Əsədin, iki ölkə arasındakı münasibətləri Rusiya-Gürcüstan münasibətlərinə bənzətməsi isə Suriyanın Şamdakı şiələri qorumaq məqsədilə yenidən Livanın şimalına girməyi planlaşdırdığı kimi spekulyasiyalara yol açıb.
Xatırladaq ki, Tripolidə iyun ayından bəri sünnilərlə şiələr arasında meydana gələn atışmalarda onlarla insan həyatını dəyişib.
Suriya, 2005-ci ildə sabiq baş nazir Rəfiq Həririnin sui-qəsdin qurbanı olmasından sonra beynəlxalq təzyiqlər üzündən Livandan qoşunlarını geri çəkmişdi. //Rəşad Səfərov, QayNar
Hiç yorum yok:
Yorum Gönder